1.

தலைப்பு :

இந்த ஒழுங்குமுறை விதிகள் மகளிர் தொழில் முனைவோர் கடன் அனுமதிப்பதற்கான ஒழுங்குமுறை விதிகள் என அழைக்கப்படும்.

2.

கடன் வழங்கும் வங்கிகள் :

மகளிர் வளர்ச்சி கடன் திட்டத்தின் கீழ் தூத்துக்குடி மாவட்ட மத்திய கூட்டுறவு வங்கி கடன் வழங்கும்.

3.

நோக்கம்;

சிறு தொழில் பிரிவில் அடங்கிய அனைத்து சிறு தொழில்கள் மற்றும் சேவை மையங்கள் (சிறுவாகன போக்குவரத்துக் கடன் தவிர) துவங்க கடன் உதவி.

4.

கடன் பெறுவதற்கு தகுதி பெற்றவர்கள் ;

அ) சிறு வாகனப் போக்குவரத்து தவிர்த்து சிறு தொழில் பிரிவில் அடங்கும் அனைத்து தொழில்கள் மற்றும் சேவைகள் துவங்கும் படித்த வேலையில்லா மகளிர்

ஆ) விண்ணப்பதாரர் தான் தேர்ந்தெடுத்துள்ள தொழிலில் குறைந்த பட்சம் பயிற்சி பெற்றிருத்தல் வேண்டும்.

5.

தொழில் நடத்தும் / துவங்கும் இடம்:

விண்ணப்பதாரர் அவரது தொழிலை அவருக்கு கடன் வழங்கும் வங்கியின் செயல் எல்லையில் தான் துவங்கவேண்டும்.துவங்க உள்ள தொழிலுக்கு மாவட்ட தொழில் நுட்ப மையத்திடம் தொழில் நுட்ப சான்று பெற வேண்டும்.

6.

வங்கியில் இணை உறுப்பினராதல்

கடன் பெறும் உறுப்பினர்கள் அனைவரும் இணை உறுப்பினர்களாக சேர்க்கப்படவேண்டும். இதற்கான கட்டணம் ரூ50/- மட்டும் ஒவ்வொருவரிடம் பெற வேண்டும்.

7.

வங்கியில் கணக்கு துவங்குதல்:

விண்ணப்பதாரர் வங்கியில் நடப்பு கணக்கு துவங்கி அவரது வருமானத்தை இக்கனக்கில் இட்டு வைத்து வருவதுடன் அவரது கணக்கில் வங்கி நிர்ணயித்துள்ள அளவிற்கு நிலுவை பராமரித்து வரவேண்டும்.

8.

துணைப்பிணையம் மற்றும் பிணையதாரர்கள்

சிறு தொழில் முனைவோர் கடன் பெற்று வாங்கும் இயந்திரங்கள் மற்ற உப பாகங்களை வங்கிக்கு அடமானம் செய்து தரவேண்டும். விண்ணப்பதாரர் கடன் தொகைக்கு சமமான வில்லங்கம் இல்லாத அசையா சொத்தினை துணைப்பிணையமாக கொடுக்க வேண்டும்.

வங்கி ஒப்புக்கொள்ள கூடிய நல்ல வருமானம் ஈட்டும் இருவர் உத்திரவாதம் அளிக்க வேண்டும். ஈடு கட்டப்படும் சொத்துக்கள் வில்லங்கமின்றி உள்ளது என்பதை வங்கி சட்ட ஆலோசகர் சரிபார்த்து சட்ட கருத்து பெறவேண்டும். நிரந்தர வருமானம் ஈட்டும் அரசு / பொது நிறுவனப் பணியாளர் உத்திரவாதம் அளிப்பவராக இருக்கலாம்.

9.

கடன் அளவு

ஒரு நபருக்கு திட்ட மதிப்பீட்டின் அடிப்படையில் ரூ.5 லட்சம் வரை கடன் வழங்கலாம். திட்ட மதிப்பீட்டை மத்தியக்கூட்டுறவு வங்கியில் இயங்கும் தொழில் நுட்ப பிரிவு மற்றும் மகளிர் வளர்ச்சி பிரிவு சரிபார்த்து அத்தாட்சி வழங்கவேண்டும்.

திட்ட மதிப்பீட்டின்படி துவங்க உள்ள தொழிலிருந்து கிடைக்கும் வருமானம் கடனைத்திருப்பி செலுத்தப் போதுமானதாக உள்ளதா என்பதை நன் கு கவனிக்கவேண்டும்.

10.

விளிம்புத் தொகை

விண்ணப்பதாரர் திட்ட மதிப்பீட்டில் 20 விழுக்காடு அளவிற்கு விளிம்புத் தொகை செலுத்த வேண்டும்.

11.

வட்டி விகிதம் ;

வட்டி விகிதம் 15% தவணை தவறிய கடனுக்கு 1% அபராத வட்டி வசூலிக்கப்பட வேண்டும்.

12.

கடனை திருப்பி செலுத்தும் காலம்:

இக்கடனை 60 மாத சம தவணைகளில் திருப்பி செலுத்த வேண்டும்

13.

கடன் விண்னப்பத்துடன் கொடுக்கப்பட வேண்டிய ஆவனங்கள்:

1. திட்ட மதிப்பீடு

2. 5 ஆண்டுகளுக்கு எதிர்பார்க்கப்படும் வருமானம்

3. கடன் தாரரும் பினைய தாரர்களும் ஒன்றாக சேர்ந்து எழுதிக் கொடுக்கும் அடமான பத்திரக் கடன் உறுதி ஆவணம்.